Көпбалалы аналардың тұлғалық дамуы- мастер — класс

Қарағанды облысы Қазақстан халықтары жанындағы Аналар кенесі Достық үйінде «Көпбалалы аналардың тұлғалық дамуы» атты мастер — класс өткізді. Мастер — класста «Атамекен» ҰКП Қарағанды облысы филиалы бөлім басшысы Меруерт Минкенқызы бизнес ашу үшін қайтарымсыз грант ұту, кәсіп жүргізуге несие рәсімдеу, бизнес — жоспар жасау, үйде отырып кәсіп ашу жолдарын үйретті. Қарағанды қаласының жұмыспен қамту орталығы Кәсіптік оқыту, кәсіптік бағдар беру және гранттар бөлімі басшысы Азамат Төрехан сұрақтарға жауап берді.