Бүгін «Алғыс айту» күні қарсаңында Қарағанды Облысы Қазақстан Халқы Ассамблеясы мен «Шаңырақ» көпбалалы отбасыларды қолдау орталығы қайырымдылық акциясын бастады.

«Вайнах» шеген-ингуш этномәдени бірлестігі жетекшісі Увайс Джанаев мырза тұрмысы төмен отбасыларға 2 млн теңге көлемінде қайырымдылық көмек жасамақ. Бүгін қарағандылық 225 отбасыға азық-түлік себетін таратуды бастады. Бұл көмек Әнет баба атындағы облыстық мешітке де жеткізіледі.

Алғысты анаға айтқан, анаға құрмет көрсеткен жан — ең ізгі адам. Адамзат ананың алдында қарыз. Мереке құтты болсын!